الحشيش ومأدراك مالحشيش

ياهلا والله ومسهلا..

حيا الله من زار وخفف..

وسامحونا على القصور..

...

يمكن بعضكم يستغرب من الموقدمه أعلاها لكن أنا بقولكم

لاتستغربون ولاشي مابه إلا الزين ان شالله..

\\

دعونا نخش دوغري في الموضوع ألا وهو

((فلسفتي حول التحشيش))

من منا من لم يحشش في يوم من الأيام هاه أعترفو؟!..

ولا أحد يفهم قصدي غلط أنا أقصد التحشيش الحلال..


\\

ومن هالمنطلق أنا قسمت من عندي ولا أحد قالي قسمت التحشيش ألى

قسمين كبار ومنها تتفرع الأقسام الصغانين(الصغانين=جمع صغنونه

أي بالأفرنجي صغيره)..


القسم الكبير الأول هو الله يسلمكم ويكفيكم شره هو الحشيش

الصدقي اللي الله لايبلانا يلعب بالواحد لعب<<شدراك أكيد مجرب !

<<طبعا هالسوعال راح يتبادر الى ذهن القارئ السمرمدي..

فمن واجبي اني أرد بكل هدوء وأقول له:

خير ان شالله وش شايفني قدامك مروجه ولامروجه لايمكن مروجه..

الموهم ماعلينا نرجع للموضوع..


\\

ونرى هنالك من بعيد قادم إلينا القسم الثاني الكبير ايضا
إلاوهو..

((الحشيش الصناعي)) أو مايسمى بالفصله أي انفصال اسلاك
الدماغ..

بمعنى آخر أذا داهمك النوم مداهمتن قشرا وأنت ماودك يعني

ترقد وتحاول بكل ماأوتيت من قوه أن تصمد في وجه العدو مير

حيل الله أقوى هنا وهنا فقط تحس بثقل في اللسان وفي بعض الأحيان

البراطم من غير العيون اللي انحولت من أول المداهمه..


هذا في حال ناس وفي حال آخر لماتكون قايم من النوم وأنت

مفولها نومه(مفولها=أي معبي التانكي فل،والتانكي يقصد به

الدميجه)تحس نفسك طاير عن الأرض شبرين غير انك أذا مشيت تحس

الأرض تتمروج تحتك(تمروج=أي كنها موج تحتك وانت السفينه وانا

القبطان) وتحس ان دماغك ماهوب بدمجتك نقدر نقول هنا انك

محشش..


\\

وأيضا هنالك حاله خاصه فيني يمكن البعض يعاني منها ألاوهي

فقدان الأحساس بالأشيا اللي حولك بعد اول جغمه من ذلك المدعو

((بيبسي)) خاصتن أذا كان نص تثليجه..

الللللله ياهو احساس قميل بشكل..

والله ياأني من قوه التحشيش اني لاشربت البيبسي أحس انه يرقى

فوق للدماغ ماهوب ينزل للمعده..


\\

وأكيد فيه حالات ثانيه لايسعني ذكرها هاهنا لأن الصفحه ضاقت

شوي..

الله يهداني ماخذتها سمول على قدي مادريت ان هرجي واجد مير

انتم ان شالله ماتقصرون ياللحيه الغانمه..


\\

وفي الختام اللي مافهم الهرجه اللي فوق اسمح لي ألطم معك لأنك

للحين ماجربت الحشيش الصح لكن الفرصه لم تفوتك مع حشيش قلومي

مافيش مستحيل..

ودعونا نصرخ معا...!!

}{وياللومي ياللومي من يحشش مع قلومي}{

\\
مـــــنــــــقول الله الله بالردود